Mengi yamejiri siku ya tamasha la kumbukizi la mashujaa wa vita vya majimaji ,kwa mara ya kwanza washiriki toka nje ya nchi wameshiriki

Mkuu wa brigedi ya kusini mheshimiwa Mhaiki akiweka silaha za jadi kwenye mnara mpya wa mashujaa wa vita vya majimaji nyuma ya ukumbi wa Songea klabu mahali ambapo walinyongwa mashujaa 67 wa vita vya majimaji na wajerumani ambapo mnara huo umejengwa kama sehemu ya kumbukumbu.

Waziri wa maliasili na utalii Ezekiel Maige akipokea ramani ya wilaya 19 za jiji la Lichinga nchini Msumbuji ambayo inaonesha maeneo ya vivutio vya utalii kutoka kwa meya wa jiji la Lichinga Augusto Assifue siku ya kilele cha kumbukizi la vita vya majimaji ndani ya viwanja vya makumbusho ya Taifa ya majimaji.

Jeshi la wananchi wa Tanzania nalo halikuwa nyuma kwenye sherehe za kumbukizi ya mashujaa wa vita vya majimaji hapa wanaingia eneo ambalo umejengwa mnara wa mashujaa.

Aliyeshika microphone ni meya wa jiji la Lichinga nchini Msumbuji Augusto Assifue akiwa na ujumbe wa watu watano wakijitambulisha kwenye viwanja vya makumbusho ya Taifa ya majimaji mjini Songea

Waziri wa maliasili na utalii Ezekiel Maige akishangaa pasi ya udongo kwenye maonyesho ya bidhaa ndani ya makumbusho ya Taifa ya majimaji.Pasi hiyo ya udongo inadaiwa ina uwezo wa hali ya juu kuliko pasi za chuma au umeme picha zote na Albano Midelo wa blog hii.

Waziri wa maliasili na utalii Ezekiel Maige akishangaa kikapu kilichotengenezwa kwa magome ya miti kwenye vibanda vya maonyesho ya bidhaa za utamaduni ndani ya makumbusho ya majimaji