Mwanamke kinara katika kupiga kasia ziwa Nyasa

Watu walio wengi wanaamini kuwa mwanaume ndiye mwenye uwezo wa kufanya kila kitu ukilinganisha na mwanamke,hata hivyo ukweli ni kwamba wanawake  wana uwezo wa kufanya mambo ili mradi wakidhamiria kuliko hata wanaume. Mfano mzuri ni mwanamke huyu mama Mtua  mkazi wa kijiji cha Kihagara mwambao mwa ziwa Nyasa  mkoani Ruvuma. Mama Mtua ana kipaji na uwezo wa hali ya juu katika kupiga kasia, pichani mama Mtua akiwa  katika  mashindano ya mitumbwi akichuana vikali na wanaume katika mashindano yaliofanyika hivi karibuni. Mashindano hayo yamekuwa na mvuto mkubwa katika utalii mkoani Ruvuma.Historia ya mama Mtua inaonesha kuwa alikuwa anatumia mtumbwi kama usafiri wake wa kwenda shuleni na kurudi katika kijiji jirani cha Tawi kata ya Liwundi umbali wa kilometa nane kutokana na ukosefu wa barabara nchi kavu. Picha na maelezo kutoka  maktaba ya injinia Stella Manyanya, uwezeshaji wa wanawake Ruvuma.